El Jefe del Movimiento: En direutu

 

El nuesu gloriosu vicellíder, l'escelentísimu y magníficu señor Lastra, qu'amuesa una capacidá, una oratoria y una verborrea que yá quixeren munchos, torna a los medios de comunicación d'esti, el nuesu país, pa demostrar a la patria y al mundiu la so talla inteleutual:

«Ovidio no se hace una falda con la bandera porque el copyright ya lo tiene Valledor»

¡ Que grande ye'l nuesu llíder cósmicu! Valledor faciéndose faldes con copyright (que cool que sona eso) y Ovidio ta pensando en mercar les bufandes de la seleición asturiana o quiciabes va ponese un corsé patrióticu cola bandera d'Asturies a lo Pedro J... Lo que ta nidio ye que'l nuesu llíder indiscutible dexó en bon llugar al cabezaleru de la oposición xudeo-masoca y tamién a los xudeo-masónicos d'IX y los nacionalistes asturianos más val nin falar.

 Otra de les frases del nuesu llider astral, foi esta que vien darréu: «Da igual el nacionalismo madrileño del chotis y la España cañí que el catalán de la senyera y la butifarra»

Eso ye falar, esi si que ye un llíder, qué capacidá de síntesis pa poner una cosa a la vera d'otra, nin yo nin dengún asturianu taría enxamás a l'altor de Lastra que pue relacionar el chotis cola butifarra, la senyera cola españa cañí y quedase tan anchu, ¿Quién diz que n'Asturie snun hai bonos políticos? Claro que los hai, y tenémoslos toos nós, la FSA de las JONS, que lliderará a la nuesa región más alló de l'espaciu esterior, ensin nacionalismu de "fabes y sidre" por siguir la llinia argumental (Dios me perdone pol atrevimientu) del nuesu llíder indiscutible.

Y amás, el nuesu llíder déxanos una fras pa que pensemos y comprobemos si tamos a l'altor inteleutual d'elli (que de xuru que non):

 Ovidio Sánchez «nunca estuvo tan cerca de Carod Rovira como ahora».

¿Ehhhhhh? Ehí yá perdímonos, y hemos d'almitir que nun somos pa entender el razonamientu supra-humanu del nuesu vicellíder, si el nuesu vicellíder piensa asina, imaxináivos los camentamientos del llíder y Presidentísimu d'Asturies Vicente Areces que Dios tenga na so gloria.

 

 

UVIÉU a 7u AÑU TRIUNFAL DEL ALZAMIENTU ARECIL!!

Pa más información ver el NO-DO:

http://www.lne.es/secciones/noticia.jsp?pNumEjemplar=1444&pIdSeccion=42&pIdNoticia=458152

5 comentarios

[Machu Pichu - 29 de diciembre de 2006 - 23:16]

Sí señor, dándo-yos caña!

FSA de las JONS, un Futuru REDONDO!

[SOCIALISTA - 02 de noviembre de 2006 - 21:53]

¡ARRIBA ESPAÑA! ¡ARRIBA FSA de las JONS!

[Llagareru - 01 de noviembre de 2006 - 18:26]

Hai que tira p'alantre, hai que desmazcaralos y que la xente vea a estos Albano-españoles, la case de xente que son. A toós esos de los puestinos, los de la sopa boba, los del carguín, lo que nun tienen denguna idega, namái que siguir al pié la lletra un discursu masuñáu, decadente y en sin ilusión.

Que pa la que vive ye pa perpetuse na poltrona ellos y los sos collacios del sindicatu-partíu vetica.

Animo y a por ellos. ¡¡Hay que botalos!!

[lasturianu06 - 01 de noviembre de 2006 - 12:29]

Asina me presta, poniendo les coses enrriba la mesa. Éstu tien de xurdir p'alantre, nun somos cuatru los que atalantamos asina y güeyamos estes coses d'esta mena.
A dá-y puxu! y norabona!

[Diestru - 01 de noviembre de 2006 - 11:04]

Mui bono nin. Presta que dalguien cuente las cousas cumo son, de verdá ya non cumo ellos cuentan.

Porque la verdá, la F$A d'Areces empataba bien cola falange de Franco...