Afro-Visión

Nel concursu, los finalistes son:

Ibarretxe: Col "Eusko Gudariak".
Chavez: "Porompompero"
Montilla: Poupurri Andaluz
Esperanza Aguirre: "Un globo, dos globos, tres globos", de Gloria Fuertes.
Revilla (Cantabria): "Maquinavaja, el último choriso que queda"
Marcelino Iglesias (Aragón): Jotas variadas de Zaragoza 

Apaición estelar de...
VICENTE ARECES: "Cara al sol cola chaqueta pana" y "Que viva españa" (Coros y guitarra de Xune Elipe)

Asinamesmo, informamos al públicu en xeneral, que tres de l'actuación, a parte de sirvise un VINO ESPAÑOL, procederáse a les votaciones.... yá saben, eso de "Asturies, five points; les Asturies, cinq points"

PRESENTA:
Manolo Escobar

ORGANIZA:

FSA DE LAS JONS

EL Presidentísimu algama un "Discu d'Oru"

¡HEIL ARECES!

El nuesu llíder mesiánicu, visionariu de la modernidá, miarete de la fé, bastión de la cristiandá y d'España, el Presidentísimu Vicente Álvarez Areces, decidió dar el pasu qu'hai ente la política y l'arte, y sacar un nuevu discu. Dende esti Noticiariu Documentado (NO-DO) Criticóse yá dende va tiempu l'actitú cerril y pueblerina d'artistes pola oficialidá, un garrapiellu de zánganos y vagos que nun faen un res...

Poro, el nuesu presidente,  sacó de guelpe y tirón más de 50.000 discos. (El Discu d'Oru ta en 20.000 copies) poro, el nuesu presidente ganó'l discu d'oru y prometió nuna rueda de prensa multitudinaria dir a pol de platinu. Nesi discu, a parte de coros y dances de la seición femenina, que reproducen la rica variedá d'esta provincia d'Uviéu, hai grandes ésitos del nuesu presidente, como'l "Cara al Sol cola camisa pana" y el "QUe viva España", con drechos de Manolo Escobar, pero interpretáu pol nuesu presidente con esa voz poderosa y fuerte que tien y que fai que la xente s'estremeza y tiemble d'emoción énte'l poderíu de la so voz...

 El nuesu presidente yá yé discu d'oru, nel so octavu añu dende l'alzamientu arecil, y ye dalgo de lo que mui pocos caciq... presidentes, puen presumir.

Enhorabona, Presidentísimu, vusté sí que ye un exemplu pa tolos habitantes de "La Provincia" y un exemplu de bon facer y de bona xestión:

Exemplu de bona xestión: Gastar perres públiques pa sovencionar la poderosa voz d'Areces. ¿Ú van tar meyor destinaes les perres públiques qu'en sovencionar esa poderosísima voz? ¿Nun hospital? ¿Nunca campaña pol asturianu? ¿En facer la TPA billingüe? ¡¡¡Home por DIOS grandísimu y misericordiosu!!! Nada meyor que la decisión del nuesu presidente, que por ser d'él, ha ser correuta.

¡¡ARRIBA ESPAÑA Y LES VENTES D'ARECES!!

Uviéu, 8u Añu Triunfal del Alzamientu ARecil.

Los artistes de güei nun son como los d'ayeri

Santiago y Cierra España!

 Con esti glayíu saludamos güei al pueblu de "la Provincia", que siempres ilusionáu espera'l saludu d'un nuevu día y d'esti nuevu y octavu añu d'alzamientu arecil. Lléguennos les noticies de que dientro d'esta sacrosanta provincia, un grupu xente, denomáu "artistes pola oficialidá" o daqué asina, anda subastando les sos patétiques y paupérrimes obres énte la mirada de dellos traidores xudeomasónicos del PP y de parte la sociedá enfermo de la nuesa Provincia.

Dende la FSA de las JONS, nun podemos más que facer un llamáu a caltener los valores y les tradiciones que caltuvieron vivu'l fueu español, y refugamos dafechu'l calificativu d'"artistes" pa estos gandules que nun faen otra cosa que se tocar los coyones y trabayar... Benditos seyan aquellos tiempos de Rocío Jurado qu'en paz tea, de Lola Flores y del bon canciu español, que pasaba d'eses tonteríes de la oficialidá y d'esa trampa xudeomasónica de los drechos llingüísticos que nun son namái que la imposición nel enseñu d'estudiar una llingua pa que nun muerra....

 Por eso, güei esti NO-DO, quier finar remembrando al que debería ser nesti sieglu XXI el pa de tolos artistes: MANOLO ESCOBAR

Entre flores, fandanguillo y alegría
nació mi España, la tierra del amor.
Sólo Dios pude hacer tanta belleza
y es imposible que pueda haber dos.
y todo el mundo sabe que es verdad
y lloran cuando tienen que marchar
Por eso se oye este refrán:
Que viva España.
Y siempre la recordarán:
Que viva España.
La gente canta con ardor :
Que viva España.
La vida tiene otro sabor
y España es lo mejor.
En las tardes soleadas de corrida
la gente aclama al diestro con fervor
y él saluda paseando a su cuadrilla
con esa gracia de hidalgo español
la plaza con sus oles vibra ya
y empieza la fiesta nacional.
Por eso se oye este refrán:
Que viva España.
Y siempre la recordarán:
Que viva España.
La gente canta con ardor :
Que viva España.
La vida tiene otro sabor
y España es lo mejor.
Que bonito es el mar Mediterráneo,
la Costa Brava y la Costa del Sol.
El fandango y la sardana me emocionan
porque en sus notas hay vida y hay calor.
España ha sido siempre y lo será
eterno paraiso sin rival
Por eso se oye este refrán:
Que viva España.
Y siempre la recordarán:
Que viva España.
La gente canta con ardor :
Que viva España.
La vida tiene otro sabor
y España es lo mejor.

VIII Del Alzamientu Arecil, Dios bendiga a AReces y a la Provincia.

Himnu pa recibir el 8u añu del Alzamientu Arecil

Votu al sol, cola chaqueta pana

que tu, bordasti en roxu ayeri

anque nun pueda entrar ne-ellla

y nun me soi a mover

 

Españarán, toos los botones

que pa eso, xinté inauguraciones

impasible'l llastra ta

y Villa tamién se va

 

Si te dicen qu'engordé

sedrá, que nun me quieren ver

 

Tornarán, les roses y los puños

al pasu allegre del votar

y trayerán, los sueldos sovenciones

el partíu los fartones.

 

Tornará a mentir Migoya

que ta siempre, como una teya

 

Arriba escuadres a vencer

que n'asturies siempres atapez.

 

 

Ovidio: Un home de responsabilidá

Nesti día triunfal del yá VIII dende l'alzamientu arecil, dende'l diaru lleutrónicu de la FSA queremos felicitar a esi home de gran valía que ye Ovidio Sánchez... Ovidio Sánchez, un home tenaz, neciu quiciabes, qu'a fuercia de se presentar dalgún día ganará les elleiciones al nuesu bienqueríu fhurer que nun ye eternu... AMosó nuna entrevista reciente pa un mediu del réxime que taba dientro del grupu de persones "bienpensantes y sensates" denunciando esa imposición de terroristes etarres que ye la oficialidá de la llingua y que diba suponer un crime escontra la razón, la intelixencia y lso drechos humanos: Facer que la xente la pudiere emplegar na so rellaición cola alministración y coles otres persones...

 Esti fechu, intolerable dafechu na nuesa gloriosa y grande patria que ye España y nesta región, foi denunciáu cola dureza que se merez pol xefe provincial del Movimientu (Javier Fernández) el nuesu caudiellu (Areces) y el llíder del sindicatu nacional-sindicalista de las JONS (Villa)... Agora, súmase a esta conderga'l cabezaleru y representante del OPUS DEI que dios tenga na so gloria (Ovidio Sánchez) 

ACállense asina les voces que decíen que nel senu de la Ilesia lo mesmo que del PP, hai otres voces disconformes y favoratibles a esi gran crime que ye la imposición de la oficialidá... que, amás, si la llevamos a les sos consecuencies más estremaes... diba suponer la obligatoriedá del aprendizax per parte de los nuesos alumnos: ¿Imaxínense que los nuesos fíos tuvieren qu'estudiar 3 ó 4 hores obligatories d'asturianu na escuela como yá faen col castellán, coles matemátiques, cola xeografía, la hestoria, l'arte... y toes eses coses? ¿Too pa qu'una llingua milenaria nun muerra? ¿Vamos consentir atropeyu asina?

POR SUPUESTO QUE NON, VENCIMOS Y VENCEREMOS, POR DIOS Y POR ESPAÑA; POLA UNICA LLINGUA CULTA QUE YE'L CASTELLÁN Y POLES OTRES TRES LLINGÜES COOFICIALES QUE TAMIÉN SON CULTES.... 

 

FSA de las JONS enorguyécese del bon sentíu de l'opusianu Ovidio Sánchez y congrátulase deseyándo-yos a tolos sos lleutores qu'esfruten d'esti VIII Añu Trunfal del ALzamientu arecil. Si asturies sigui asina, nun hai dubia qu'anque seya na persona d'Ovidio Sánchez, los valores y entamos fundacionales del movimientu nacional-sindicalista, del arecismu, tarán vivos pa los prósimos 4 años y les prósimes décades, gracies a esti pueblu asturianu que nun quier ser pueblu nin quier ser nada demostrando asina la grandeza d'españa, de la virxe de cuadonga y del nuesu caudiellu Areces.

 

Uviéu, VIII Añu trunfal del alzamientu arecil

ARRIBA ESPAÑA! 

La oficialidad: Ese gran nido de rojos, separatistas y judeomasones

El secretariu xeneral del Movimiento, llíder de la FSA de las JONS, declaró ayeri que los defensores de la oficialidad yeren toos unos nacionalistes que queríen romper España y finar colos valores tradicionales de la nuesa patria, los valores que yá nun sabemos cuálos son tres de que la ilesia mos traicionare...

Sicasí, equí seguimos, pa defender la gloria y honra d'España, eas una grande y llibre y finar con tolos xudeomasones, separatistes, rompepatries y conspiradores que dende Izquierda Unida, la U.G.T. Les CC.OO., SUATEA, Les nueses propies Juventudes Socialistas, el PSOE del estáu, los partíos nacionalistes, les asociaciones culturales, grupos de música, escritores,a sociaciones cíviques y tolo que nun somos nós y el SOMA, intenta facer pa destruyir los nuesos valores..

 Güei la esencia del movimiento nacional-sindicalista sigui namái dientro de Nós, porque tolos demás son malos, quieren imponer el nacionalismu y obligar a los neños asturianos a deprender asturiano (¿Vamos permitir semeyante crueldá? ¿Vamos quedanos inmóviles dafechu demientres qu'esos xudeomasones, roxos y separatistes queiren defender la llingua asturiana ¿Vamos permitilo? ¿O vamos facer daqué?

NUn podemos dexar que viva l'asturianu, ye una llingua enemiga de los nuesos grandes principios del movimiento, enemiga d'España y de la FSA de las JONS, que nun pue sobrevivir, y yá sabéis que tolos que tan sofitándola, d'un llau o d'otru son unos roxos separatistes y malos cristianos, entamando pola ilesia asturiana a la que'l papa habría d'escomulgar darréu.

 

Asturianos, nun treméis, la FSA de las JONS ta equí pa defendevos de "los del bable" que tantu mal vos quieren facer.

Que dios bendiga a la FSA

 

UViéu a 7u AÑU DEL AZAMIENTU ARECIL!! 

Cristo los Excomulgará

Güei el Movimientu Nacional ta amenazáu, la anti-españa, qu'agora viste sotana, fala d'autodetermín, de ñaciones y ataca a la nuesa gran patria y proyeutu común, una grande y llibre...

La ilesia, aliada tradicional de nueso, mos traiciona nestes hores tan tráxiques... Sicasí, la FSA de las JONS, quier manifestar n'esti, el 7u Añu Triunfal del Alzamientu ARecil, que nun va tolerar nenguna otra llingua que nun seya'l castellán, nenguna otra realidá que nun seya qu'Asturias es España y lo demás tierra conquistado... Si los asturianos tenemos qu'afondar na nuesa identidá, esa identidá ye la de Don Pelayo, la de Cuadonga y la de ser el primer bastión de la cristiandá n'Occidente.

La sidre, les madreñes y el bable, esa "forma graciosa de falar", nun son más que carauterístiques rexonales d'esta rexón española y españolísima que ye la nuesa, cuna de Don Pelayo, bastión d'España, y principáu noble de la So Alteza Real el Príncipe d'Asturies Don Felipe de Borbón, que tien un nome y unos títulos más llargos qu'una llinia d'esti testu y qu'amuesa nelli lo que ye'l braeru espíritu de los asturianos d'Asturies y tamién de los llaboralmente móviles que tán lloñe de casa.

 Naide, naide nel mundiu, con sotana o ensin ella, tará nunca penriba del nuesu Presidentísimu Areces, al que namái Dios y la Hestoria podrán xulgar, pus yá, dempués del alzamientu nacional-sindicalista-subvencional del SOMA, el clientelismu nacional-sindicalista s'asitia con dureza y verticalidá n'esta, la nuesa reGión.

Españoles, Asturianos, que ye lo mesmo, seguíi lluchando por esta la nuesa patria.

UNa, grande Llibre.

UVIÉU a 7U AÑU DEL ALZAMIENTU ARECIL!

 

 En el

Esos Malos Españoles

Yá foron les elleicioens en Cataluña, y los malos españoles les ganaron pola mínima, 68 escaños de 135. La verdá, en momentos como estos, nós, dende la direición xeneral de la FSA de las JONS, sentímonos arguyosos d'un pueblu como l'asturianu que dalo tou por España. Dende los sos fíos en forma de movilidá llaboral, a les sos perres en forma de cooperación económico, y que nun pide nunca cobrar los impuestos que n'otres comunidaes sí cobren pal esfrute de los qu'ellí viven.

Los asturianos son los meyores españoles de toos, y eso ye motivu d'arguyu, pues en vez de salir a la cai pa pedir más perres, más puestos de trabayu, el fin de les lleendes urbanes o que nun se gasten les perres nuna televisión autonómica, salimos pa festexar los trunfos de Fernando Alonso, esi gran español, y pa cantar los cancios de Melendi o p'aplaudir a los príncipe y princesa d'Asturies, qu'incluso tienen el detái de falar de "manera graciosa y con un típico acento reGional" en delles ocasiones que vienen per equí. La verdá, con un pueblu como l'asturianu da gustu ser español, y ún síentese bien.

Esa preciosa ciudá que tenemos, Madrid, ta fecha col esfuerciu y col sangre de tolos trabayadores llaboralmente-móviles d'Asturies y gracies a qu'Asturies nun reclama coses como los malos españoles de vascongadas y cataluña, que namái quieren l'egoísmu y nun facer grande a España y a la so grandiosa capital, la graciosa villa de Madrid. Por eso, dende la FSA de las JONS, queremos llamentar qu'en cataluña les fuercies de la anti-españa, la xudeomasonería trunfe nunes elleicioens dafechu amañaes nes que se persigue a la gloriosa llingua de cervantes. Equí siguimos, resistiendo por Don Pelayo, Covadonga, la Santina, y el nuesu presidentísimu, AReces, que dios guarde munchos años.

ARRIBA ESPAÑA!

UVIÉU A 7u AÑU DEL ALZAMIENTU ARECIL

 

El jefe del sindicato vertical: AL aparatu

El xefe'l sindicatu vertical y artífice de la ideoloxía nacional-sindicalista, única braera y llexítima, apaez güei nel NO-DO opinando sobro l'agua. Paez raro qu'un llíder como'l de nuesu nun se circunscriba a los temes sindicales-subvencionales, pero ye qu'un home del so altor inteleutual, de la so capacidá dialéutica, nun pue quedar arrequexáu a esi ámbitu de la vida nacional-sindicalista del nuesu país.

Poro, el xefe del sindicatu vertical defendió que se faga una mesa reGional del agua y que los probes ciudadanos tengan que pagar por usar un agua que n'Asturies haila asgaya, a diferencia de notres partes de la patria española, una, grande y cada vez más llibre... Da igual, porque nós somos españoles, qué digo españoles, somos españolísimos, lo más español qu'hai nel mundiu (mira tú, Covadonga ye España y lo demás tierra conquistao) Asina que, si nel restu d'España nun hai muncha agua y hai qu'entamar a facer coses pa que la xente gaste menos, nós nun podemos ser menos... Da igual tener los embalses más llenos d'España

http://www.lne.es/secciones/noticia.jsp?pNumEjemplar=1445&pIdSeccion=42&pIdNoticia=458484

Da igual tenelos al 72,9% de la so capacidá, da igual que nun mos falte l'agua, ¿Qué en Madrid Falta l'agua y hai que facer coses pa que nun seya asina? Pues nós a imitalos, ¿QUé ye eso de lleva-y la contraria a la castiella del secarral? O pagamos toos y aforramos agua toos, o nun aforra naide, y eso nun ye asina porque lo diga yo, ye porque lo diz daquién con muncha más sabiduría, munchu altor de mires más, y munchísima seriedá, como ye'l xefe del Sindicato Vertical, y pensador de la corriente Nacional-Sindicalista, el Sr Villa que dios guarde na so gloria.

 

Pa más información, el NO-DO:

http://www.lne.es/secciones/seccion.jsp?pNumEjemplar=1445&pIdSeccion=42&rand=1162359139026

UVIÉU, a 7u AÑU DEL ALZAMIENTU ARECIL!

 

 

 

El Jefe del Movimiento: En direutu

 

El nuesu gloriosu vicellíder, l'escelentísimu y magníficu señor Lastra, qu'amuesa una capacidá, una oratoria y una verborrea que yá quixeren munchos, torna a los medios de comunicación d'esti, el nuesu país, pa demostrar a la patria y al mundiu la so talla inteleutual:

«Ovidio no se hace una falda con la bandera porque el copyright ya lo tiene Valledor»

¡ Que grande ye'l nuesu llíder cósmicu! Valledor faciéndose faldes con copyright (que cool que sona eso) y Ovidio ta pensando en mercar les bufandes de la seleición asturiana o quiciabes va ponese un corsé patrióticu cola bandera d'Asturies a lo Pedro J... Lo que ta nidio ye que'l nuesu llíder indiscutible dexó en bon llugar al cabezaleru de la oposición xudeo-masoca y tamién a los xudeo-masónicos d'IX y los nacionalistes asturianos más val nin falar.

 Otra de les frases del nuesu llider astral, foi esta que vien darréu: «Da igual el nacionalismo madrileño del chotis y la España cañí que el catalán de la senyera y la butifarra»

Eso ye falar, esi si que ye un llíder, qué capacidá de síntesis pa poner una cosa a la vera d'otra, nin yo nin dengún asturianu taría enxamás a l'altor de Lastra que pue relacionar el chotis cola butifarra, la senyera cola españa cañí y quedase tan anchu, ¿Quién diz que n'Asturie snun hai bonos políticos? Claro que los hai, y tenémoslos toos nós, la FSA de las JONS, que lliderará a la nuesa región más alló de l'espaciu esterior, ensin nacionalismu de "fabes y sidre" por siguir la llinia argumental (Dios me perdone pol atrevimientu) del nuesu llíder indiscutible.

Y amás, el nuesu llíder déxanos una fras pa que pensemos y comprobemos si tamos a l'altor inteleutual d'elli (que de xuru que non):

 Ovidio Sánchez «nunca estuvo tan cerca de Carod Rovira como ahora».

¿Ehhhhhh? Ehí yá perdímonos, y hemos d'almitir que nun somos pa entender el razonamientu supra-humanu del nuesu vicellíder, si el nuesu vicellíder piensa asina, imaxináivos los camentamientos del llíder y Presidentísimu d'Asturies Vicente Areces que Dios tenga na so gloria.

 

 

UVIÉU a 7u AÑU TRIUNFAL DEL ALZAMIENTU ARECIL!!

Pa más información ver el NO-DO:

http://www.lne.es/secciones/noticia.jsp?pNumEjemplar=1444&pIdSeccion=42&pIdNoticia=458152